நினைவு

உன்னை மறந்து
விட்டதாகத்தான் எல்லோரும்
நினைத்துக் கொண்டிருக்கிறார்கள்
என் நினைவே
நீதான் என்பது
அவர்களுக்கெங்கே
தெரியப் போகின்றது
உனக்கும் தான்

அன்பே வா....

உன் பெயரை சொன்னாலே
உள் நெஞ்சம் தித்திக்கும்
உன்னோடு வந்தாலே
என் பாதை பூப்பூக்கும்
மானே...என் பெண் மானே...

பூவெல்லாம் உன் வாசம்
புன்னகையில் உன் நேசம்
காலம் எல்லாம் என்னோடு
கரம் சேர நீ வேண்டும்...

கண்ணோடு ஒளியாய் வா
விண்ணோடு நிலவாய் வா
என்னோடு துணையாய் வா
எண்ணமெல்லாம் நினைவாய் வாழ்

சிறைச்சாலை

சித்திரவதை இல்லாத
அழகிய சிறை
உன் இதயம்...
ஆயுள் வரைக்கும் இருக்கலாம்
கைதியாக

 

உன் காதலும்,என் காதலும்

பெண்ணே
என் காதலோ
வானத்தில் நீலம் போல
நிரந்தரமானது
உன் காதலோ
முகில் போலது
நிலையாய்
நிற்பதேயில்லை

செல்போன்

என் செல்போனுக்கும்
உனக்கும்
ஒரு  ஓற்றுமை...
எப்போதும்
சிணுங்கியபடியே...

ஞாபக சக்தி

என்னுடைய பொருட்களை
எங்கெங்கெல்லாமோ வைத்து விட்டு
தினம் தினம்
தேடும் பொழுது
என் ஞாபக சக்தியை கடிந்து கொள்கின்றேன்
அதுவே...
உன்னுடையவற்றை எல்லாம் தேடாமலே
எடுத்து தரும் பொழுது வியந்து கொள்கின்றேன்

அன்பின் சக்தி

எனக்கும் உனக்குமான
சில சண்டைகளில்
விட்டுத்தரலாமா என நான்
யோசிக்கும் போதே
எனக்காக ...நீ விட்டுத் தந்து விடுவாய்
என்னை வியக்க வைத்து...

ஒரு பெண்ணின் டயறியில் இருந்து….